الخميس 18 أبريل 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

أحمد الدمرداش: دخلت الفن بالواسطة.. وأرفض دخول أبنائي مجال الفن | فيديو

أحمد الدمرداش
فن
أحمد الدمرداش
السبت 02/ديسمبر/2023 - 08:44 ص

كشف الفنان أحمد الدمرداش، عن موقفه من دخول أبنائه مجال التمثيل، مؤكدًا أنه لا يشجعهم إطلاقًا لأنه يرى أن البيئة الحالية لا تشجع الفن.

 

وقال أحمد الدمرداش خلال لقائه مع القاهرة 24: معنديش حد يدخل الوسط الفني ورافض الفكرة وعندي بنت اسمها مليكة عشر سنين وفاروق ست سنين نص ومش بشجع ولادي يهتموا بالفن كهواية رغم أنها حاجة مهمة للتربية، ولكن بعوضها ليهم بحاجة تانية لأننا للأسف الشديد في بيئة معينة مش بتقدر الفن بالمقدار المطلوب ممكن حد يهتم بالفن بشكل كبير وما يحقشش فيه حاجة. 

وأضاف أحمد الدمرداش: بسعى أن ولادي يكونوا متعلمين في الشغل والحياة العادية ويفهموا في الشغل العادي بعيدًا عن الفن، ولما يكبروا وبقى عندهم شيء أساسي، وحابين الفن يبقوا يحبوه بعيد عني ومش هشجعهم، وأنا بابا لما دخلني الوسط شجعني جدًا، لكن لو هو في الزمن الحالي مش هيشجعني.

 

وتابع أحمد الدمرداش: لو رجع بيا الزمن هشتغل في الفن لأني بعشق التمثيل وبستمتع بالإخراج، والتمثيل هوايتي وفي ناس ممكن تروح مشاوير علشان تصطاد لأن الهواية لا تقدر بثمن.

 

وأردف أحمد الدمرداش: أنا داخل التمثيل بالواسطة لأن والدي مخرج وعمامي مخرجين وأمي فنانة ومرات عمي وكل عيلتي فنانين وافتخر، وأنا سقطت في المعهد ولو داخل المعهد واسطة ما كنتش سقطت ولكن سقطت بسبب إهمالي، ولما اتخرجت واشتغلت قعدت في المعهد اعمل عشرات المسلسلات ومحدش عرفني قبل الحاج متولي وعندي تاريخ طويل، ولكن مش هنكر أن عيلتي أدوني دافعة وحببوني في الموضوع وعلموني أن كل كلمة لازم أحاسب بيها نفسي وأسسوني. 

تابع مواقعنا