أبرزها مواجهة محمد الشرنوبي وسارة الطباخ.. ضيوف برنامج رامز قفل اللعبة برمضان 2024
كشف الصحفي هاني عزب، قائمة ضيوف برنامج رامز قفل اللعبة 2024 بالإضافة إلى تفاصيل المقلب، الذي يقدمه الفنان رامز جلال في موسم رمضان المقبل 2024.
برنامج رامز جلال 2024
وحول برنامج رامز جلال 2024 نشر هاني عزب مقطع فيديو عبر حسابه الرسمي بموقع انستجرام، وتحدث كاشفًا الضيوف المقرر استضافتهم في برنامج رامز قفل اللعبة، بالإضافة إلى طبيعة برنامج رامز قفل اللعبة علق: الضيف وهو رايح البرنامج بيبقى عارف إنه برنامج مقلب رامز جلال، بس مش بيبقى عارف طبيعة المقلب، ورامز جلال بيظهر بشخصيته الحقيقية.
ضيوف برنامج رامز قفل اللعبة
وحول ضيوف برنامج رامز قفل اللعبة تابع هاني عزب: المقلب هيكون عبارة عن اتنين في بينهم منافسات أو خناقة، زي ما هنشوف حلقة فيها مي عمر مع نجلاء بدر، محمد الشرنوبي مع سارة الطباخ، حسن شاكوش مع طليقته ريم طارق، نسرين أمين ويسرا اللوزي، هدى المفتي وأحمد مالك، سمية الخشاب وأيتن عامر، مها أحمد وفادي خفاجة.
وأردف هاني عزب، كاشفًا باقي قائمة الضيوق: هنشوف حمدي الميرغني ومراته، كهربا مع عبد الله السعيد، إمام عاشور مع أحمد حسام ميدو، ونش وعبد المنعم، وهنشوف نجوم كورة كتير جدا، برنامج رامز السنادي كمان فيه إصابات كتير وأقل إصابة هتبقى كدمات متفرقة في الجسم، وعرفت إن مها أحمد اتصابت بإصابة كبيرة جدا في رجلها وشيرين رضا وسمية الخشاب.
واختتم هاني عزب، كاشفًا تسلسل مراحل مقلب رامز جلال: اللي هيحصل إن لما الضيف بيوصل رامز بنفسه بيستقبله، وهو بيتكلم مع الضيف، الضيف بيقع في زحليقة فيها ماية مش نضيفة ثم يلاقي تمساح وكلب شرس جدا وبعدين يلاقي الضيف التاني اللي معاه في الحلقة.
برنامج رامز قفل اللعبة
وسبق ونشر القاهرة 24 تفاصيل برنامج رامز قفل اللعبة، حيث نشر فكرة برنامج رامز جلال في رمضان 2024 من مصادر داخل البرنامج، حيث يصور الفنان برنامجه المقالب الشهير في مدينة ملاهي شهيرة بدولة الإمارات، ومن ضمن هذه الألعاب أكوا بارك وبيت الرعب، ومن المقرر عرضه طوال شهر رمضان المقبل 2024، عقب أذان المغرب على شاشة قناة MBC مصر.
