شريف مدكور: حلمي أعمل برنامج ديني.. أنا شيخ نفسي وواصل لدرجة إني بستشير الرسول
كشف الإعلامي شريف مدكور، عن رغبته في تقديم برنامج ديني، موضحًا أنه درس في الدين لمدة تصل لـ 5 سنوات خلال الفترة الماضية، مؤكدًا احترامه الكبير لكل علماء الدين والشيوخ.
وقال شريف مدكور، في تصريحات تليفزيونية: حلمي أعمل برنامج ديني، ممكن الناس تتخض وبقالي 4 أو 5 سنين بذاكر في الدين مع نفسي، وأنا شيخ نفسي ومع كامل احترامي لكل رجال الدين في كل الديانات وكل الشيوخ على راسي من فوق بس أنا بلاقي الشيخ ده بيقول عكس الشيخ ده، والمذهب ده غير المذهب ده أنا أمشي مع مين؟.
وتابع شريف مدكور: اللي عملته أني سمعت وقرأت للكل، وفي قلب استفتيت فيه وعقل فكرت بيه وربنا قالي إقرأ، وقرأت في كل حاجة، وأنا قرأت ديني اللي بحبه أوي، وقرآني اللي بعتز بيه أوي، ورسولي اللي أنا لو في حاجة بعملها بقول لو أنا قاعد أمام الرسول هيقولي إيه؟، وبستشيره أنا واصل للدرجة دي.
شريف مدكور ردًا على منتقديه: أتكلم في الدين براحتي
ومن ناحية أخرى، سبق ورد الإعلامي شريف مدكور، على الانتقادات التي تلقاها بسبب حديثه عن الدين وتفسير آيات القرآن الكريم، موضحًا أنه يبحث في الدين ليزيد إيمانه وليس من أجل المتاجرة به، حيث كتب عبر فيسبوك: أنا أتكلم في الدين براحتي وأقول اللي أنا عاوزه مدام مش بكفر حد والحاجة الوحيدة اللي مش من حق مخلوق يقولي متتكلمش فيها هي ديني، على الأقل أنا ببحث وبجتهد علشان أزود إيماني ويقيني والله أعلم.. أنا مش خروف همشي ورا كلام حد.
