منة القيعي تدعم شيرين عبد الوهاب بعد حفلها بموازين: فيه تربص تجاهها.. والناس بتستسهل التجريح
علقت الشاعرة الغنائية منة القيعي، على الهجوم الذي تعرضت له الفنانة شيرين عبد الوهاب، بعد حفلها بمهرجان موازين في المغرب، منذ يومين.
وقالت منة القيعي خلال تصريحاتها لـ القاهرة 24: طول عمر الجمهور المصري مختلف عن أي جمهور في إنه بيحب أوي ومش بيهاجم، ومش حابة أشوف ده بيتغير، واللي بيحصل في مصر مختلف عن كل المنطقة فمش حابة أشوف الحب ده بيتغير.
وتابعت منة القيعي: في الآخر هي مشكلة عندها وأيًا كان تفاصيلها بس هي عندها رصيد يكفي إننا ندعمها أو نستنى عليها، حصل خير وشيرين عبد الوهاب هتفضل شيرين عبد الوهاب.
وحول الهجوم الموجه لـ شيرين عبد الوهاب، علقت منة: ساعات بحس إن في تربص تجاه شيرين، والناس بقت تستسهل التجريح ومش بيحسوا بوزن تقل الكلمة، متعاطفة معاها وإحساسي إن في حاجة ممنهجة.
حفل شيرين عبد الوهاب في موازين
أثار حفل شيرين عبد الوهاب في مهرجان موازين بالمغرب، جدلا واسعا بسبب غناء شيرين بلاي باك، مما أغضب الجمهور المغربي منها، وهذا ما علق عليه مايسترو الحفل، مدحت خميس، الذي قال خلال تصريحات سابقة لـ القاهرة 24: دي طريقة الشو بتاعها من زمان بقالها كتير بتعمله بالعكس، ده متعب أكتر وهي تعبت علشان تعمل لجمهورها فكرة الأغاني دي مع بعض، وأخدت مننا وقت كبير في تحضيرها بالذات للجمهور المغربي المفروض يكونوا فرحانين إنها بتتعب عشانهم وبتفكر فيهم.
