حسام عاشور: لاعبو الأهلي غاضبون من رواتب النجوم الجدد.. وحق وسام يفكر في الاحتراف
أكد الكابتن حسام عاشور قائد النادي الأهلي السابق، أن وسام أبو علي من حقه التفكير في العرض الأمريكي لأنه كبير ومغرٍ، لكن في نفس الوقت للأهلي كامل الحق في تحديد المقابل المالي المناسب.
تصريحات حسام عاشور
وقال حسام عاشور خلال تصريحات تلفزيونية: وسام مش هيمشي غير من بوابة الأهلي.. والنادي مش هيخضع لأي وسيلة ضغط من أي لاعب، والأهلي له حق على وسام، ولو عاوز يمشي فالنادي ليه أربع أبواب، ومش هيقف على حد.
وفي سياق متصل، انتقد حسام عاشور قائد الأهلي السابق، تضخم الأرقام داخل الأهلي حاليًا، مؤكدًا أن الأمور خرجت عن السيطرة، ولا بد من تدخل الإدارة ووضع سقف واضح للرواتب.
وقال حسام عاشور خلال تصريحاته التلفزيونية: أنا في وقتي كانت الفئة أولى بـ600 ألف جنيه، وكانت تضم أبوتريكة وبركات ووائل جمعة وعصام الحضري.. الفئة التانية كانت ما بين 450 أو 500 ألف. النهارده بنسمع عن لاعبين بياخدوا 100 مليون، وده رقم كبير جدًا ومبالغ فيه.
واختتم حسام عاشور تصريحاته: عندي معلومة إن في حالة استياء شديدة داخل الفريق بسبب تفاوت الرواتب، وده بيأثر على تركيز اللاعبين.. ولازم الإدارة تتدخل وتحط نظام واضح يلتزم بيه الكل.
