لبنى عبد العزيز: بحس بحسرة لما شغلي ميتشافش.. وبستخدم chatGPT باستمرار
حلّت الفنانة لبنى عبد العزيز ضيفة على الإعلامية والفنانة إسعاد يونس، ببرنامج صاحبة السعادة، حيث تحدثت بالحلقة عن العديد من الموضوعات المختلفة بحياتها.
وقالت لبنى عبد العزيز خلال الحلقة: بحب القراءة من صغري ويومي دلوقتي مش بعمل فيه غير الكتابة والقراءة، ووالدي من صغري كان بدل ما يديني عروسة يديني كتاب.
وأضافت لبنى عبد العزيز: ساعات الشغل الكتير بيحسسني بحسرة إن الناس مش واخدة بالها من الشغل اللي بعمله، أنا مش بجري ورا الأضواء ولا التكريمات، فساعات الناس كانت بتوصل أكتر مني، وأقول يا خسارة إن عندي قدرات كبيرة لكن مفيش تقدير، فلما كان بيحصل تكريم كنت بتبسط جدا.
كما أشارت لبنى عبد العزيز إلى أنها تستخدم خاصية chat gpt بشكل مستمر، معلقة: بستخدم chat gpt باستمرار، البني آدمين هيخلصوا بسبب التقنيات دي، ولازم نوقف الموضوع ده شوية عشان الإنسانية بتقل.
لبنى عبد العزيز تتحدث عن الراحل عبد الحليم حافظ
كما تحدثت لبنى عبد العزيز عن علاقتها بالفنان عبد الحليم حافظ، معربة عن حزنها الشديد بسبب أنه توفي وهي خارج مصر.
وقالت: عبد الحليم حافظ آخر واحد ودعني وأنا مسافرة أمريكا، قالي أوعديني إنك راجعة، بس للأسف أكتر حاجة زعلتني من سفري إني ملحقتش أودعه وتوفي وأنا مسافرة وخبّوا عليّا خبر الوفاة وأول ما رجعت زورت قبره وقريت له الفاتحة.
