أول تعليق من عماد النحاس على الفوز أمام سيراميكا: ماعندناش لاعب مش مقنع في الأهلي
علق عماد النحاس المدير الفني لفريق الأهلي، عن سعادته بعد فوز فريقه أمام سيراميكا كليوباترا في مسابقة الدوري المصري الممتاز 2025 - 2026.
وفاز الأهلي على نظيره سيراميكا كليوباترا في إطار منافسات الجولة السابعة لمسابقة الدوري الممتاز، بنتيجة 1-0، حيث أقيمت المباراة على أرضية ستاد القاهرة الدولي.
تصريحات عماد النحاس
قال عماد النحاس خلال تصريحات صحفية بعد نهاية اللقاء: مبروك لجماهير الأهلي، تضييع الفرص شيء إيجابي ما دام بتوصل للجول دي حاجة كويسة.
واستكمل: الإهدار بيبقى سوء توفيق لكننا نعمل على تحسينها، ومفيش حاجة اسمها عدم قناعة بقدرات جراديشار، بنتكلم على لاعب محترف، لو مفيش قناعة مش هيكون موجود معانا، وماعندناش حد مش مقنع في الفريق.
وأضاف: كثرة الإصابات؟ ده شغل الجهاز الطبي، بس ممكن يكون الجهد المبذول أكبر، لكن إصابة بيكهام بسيطة، وبن رمضان اشتكى لكن كمل لنهاية المباراة، مستكملًا: لدينا لاعبين نقدر نكمل بيهم، وإن شاء الله مش هنحس بالغيابات دي.
وأردف: لا أتحدث عن الحكام في طبيعي تحدثت من قبل لكن كان ممكن يكون فيها قرار أو لا، وفيه حكم في الملعب وفيه تنقية فيديو لو ده ماشفش التاني يشوف.
واستطرد عماد النحاس: محدش وقتها كان عارف الحكم بيراجع كرة مين ولكن في النهاية لم يحتسب أي شيء، والحكمان لم يحكموا أي مباراة الأهلي هل من الممكن أن يكون ده نهج لتجهيز الحكام.
وواصل النحاس: تريزيجيه في أزمته كان عايز يطلع يتكلم عن أزمته لكن النادي رد، هو لاعب كبير قدم مباراة جيدة النهاردة استغلينا التفاهم بينه وبين تريزيجيه.
وأضاف: تحدثت مع وليد صلاح الدين على الكرة ولكن إشارته لم يكن مقصود بها الجماهير والنهاردة قدر يقول إنه يقدر يشيل مسؤولية الفريق.
وأردف مدرب الأهلي: تغيير تريزيجيه؟ خروجه مع وجود ديانج كنا محتاجين قوة في وسط الملعب دفاعيا وكان لدينا فرص بعدها مثل كرة ديانج وجراديشار.
واختتم النحاس: الجيم كان محتاج يفضل مقفول وبدأ يبان التعب كنا محتاجين المكسب والتقدم بهدف واحد خليتنا حريصين على ثبات الأداء، وده الطبيعي من جماهير الأهلي هو الداعم الأول للفريق.
