آخر أمل في حياتنا.. أسرة الصغير يونس مريض ضمور العضلات تستغيث لجمع تبرعات الجرعة الثانية
لا تزال أسرة الصغير يونس مريض ضمور العضلات، تحاول جاهدة جمع تبرعات الجرعة الثانية من العلاج، إذ تمكنت من جمع مبلغ 9 ملايين جنيه ليصبح المبلغ المتبقي من ثمن الجرعة الثانية 4 ملايين و300 ألف جنيه.
أسرة الصغير يونس مريض ضمور العضلات تستغيث لجمع تبرعات الجرعة الثانية
وقال والد الصغير يونس في تصريحات خاصة لـ القاهرة 24: ابني يونس هو سند اخواته ودايمًا بيدعمهم في أي وقت ويقدملهم المساعدة، لأن اخواته عندهم ضمور عضلات زيه بس خلاص مبقاش في أمل بالنسبالهم في العلاج، عشان كده يونس هو اللي بيساعدهم طول الوقت.
وأضاف: يونس ابني أملي الوحيد دلوقتي في الحياة وهو اللي هيسند اخواته ويقف جنبهم طول حياتهم، عشان كده إحنا بفضل ربنا جمعنا مبلغ علاجه للجرعة الأولى، وبنحاول نجمع في الثانية لأن آخر وقت قدامنا للتبرعات هو شهر 12 الحالي بعد كده للأسف مش هنعرف نجمع أي فلوس لأن حساباته هتتقفل تمامًا.
واختتم: أنا بناشد الناس كلها تقدر تتبرع ليونس عشان نكمل مبلغ علاجه ويقف على رجله ويساند إخواته ويقدملهم الدعم اللي محتاجينه، ويقدر يروح مدرسته ويعيش حياته بشكل طبيعي.
