شقيقة عريس المرج ضحية القتل على يد زوجته: دخلت الشقة لقيته غارق في دمه| خاص
حصل القاهرة 24 على نص التحقيقات في قضية مقتل شاب بالمرج بمحافظة القاهرة، على يد زوجته بعد خلافهما على تحضير الطعام، بأن تلقى منها طعنة أودت بحياته في الحال.
أقوال شقيقة عريس المرج
واستمع رجال التحقيق بالقاهرة، إلى أقوال شقيقة عريس المرج ضحية قتل زوجته، وجاءت كالآتي:-
س: ما صلتك بالمتوفى أحمد مجدي عبد العزيز راغب الشيخ؟
ج: أخويا.
س: أين كان يقطن المتوفى تحديدًا؟
ج: قاعد في نفس البيت اللي أنا قاعدة فيه بس هو في الدور الأول وأنا تحت منه في الأرضي.
س: ما هي صلتك بالمتهمة هبة.ع.م؟
ج: هي تبقي مرات أخويا أحمد مجدي.
س: وما هي معلوماتك بشأن الواقعة محل التحقيق؟
ج: اللى حصل إن أنا بخلص شغلي كل يوم على الساعة 8 بالليل وبروح البيت على طول الساعة 8:25 م لقيت أخويا أحمد طالع على السلم وسألني أنتي جاية متأخرة ليه قولتله دي المواعيد بتاعة كل يوم وقالي خلاص اطلعي شقتك وأنا هخش اقعد مع هبة شوية وبعد كده تعالي اقعدي معانا نتفرج على التليفزيون ولا حاجة.
وأضافت شقيقة المجني عليه، دخلت البيت عندي وبعدين كنت داخله أتوضى أصلى العشاء وقولت لمنى بنتي جهزى الأكل ولقيت مرات أخويا واقفة على السلم وبتصوت وبتنادي عليا وبتقولي تعالي الحقيني وأنا طلعت ليها وأول ما دخلت الشقة لقيت أخويا أحمد نايم على بطنه في الطرقة اللي ما بين الحمام والمطبخ ومش قادر ياخد نفسه وأنا نزلت جري على الشارع وناديت جارنا محمد إبراهيم.
وتابعت، طلعلى البيت وشال أحمد من على الأرض ودخلناه الصالة ولقيته بينزل دم من صدره ومش قادر يتكلم وروحنا شايلينه ونزلنا بيه جري على الشارع ووقفنا توكتوك وطلعنا بيه على مستشفي اليوم الواحد بالمرج، وإحنا ماشينا على الطريق كان في عربية معدية من جنبنا وخبطت في رجل أخويا عشان كانت خارجة برة التوكتوك ولما لقيته ما طلعش أي صوت أو عمل أي رد فعل على الخبطة عرفت أنه مات ولما وصلنا المستشفى الدكاترة قالت لينا إن هو مات.
