لقاء الخميسي: أول ما عرفت بزواج محمد عبد المنصف كنت عايز أتطلق
كشفت الفنانة لقاء الخميسي، عن رد فعلها خلال استقبالها خبر زواج زوجها الكابتن محمد عبد المنصف سرًا، موضحة أنها كانت تريد الطلاق وقتها لكنها لم تتسرع في القرار.
وقالت لقاء الخميسي، في برنامج Mirror: لما محمد عبد المنصف قالي إنه اتجوز كنت منهارة وخدنا بريك من بعض علشان أهدى، لأني لو خدت القرار في اللحظة البائسة هيكون قرار غلط، لأن اللحظة اللي كنت متضايقة فيها كنت عايزة أتطلق، أي ست هتتحط في الموقف ده أول كلمة هتقولها طلقني إحنا كلنا تافهين.
وعن تفاصيل معرفتها بخبر زواجه، فأوضحت لقاء الخميسي: عرفت من شهر 10 من وأنا في الجونة بشكل لئيم، حد كان جاي قاصد يوصلي المعلومة ولما رجعت قولتله وبعدها بيومين قالي إن ده حصل، مستقبلتش الخبر بـ هدوء خالص وحسيت أني خدت قلم على وشي والدنيا اسودت على الكل، وعلى مدار 7 سنين محستش بأي تغيير ولا شكيت فيه ومقصرش معانا ولا كان فيه أي غلطة.
أول تعليق للقاء الخميسي على أزمة زواج محمد عبد المنصف
وكانت الفنانة لقاء الخميسي، علقت على أزمة زواج محمد عبد المنصف، موضحة أنها سامحته حيث كتبت عبر إنستجرام: الدنيا تختبرنا دائمًا وأبدًا، أيام بتسعدنا وأيام بتبعدنا وتزعلنا وتجرحنا، وبنتوه مع نفسنا، الحكمة بتظهر من قلب الحزن.. وبنقعد نفكر إيه الصح وإيه الغلط وهل اللي عدينا بيه شر ولا خير؟ ومع الوقت ولما النفس تهدى والعقل يفكر والقلب يدق، بنكتشف إن كلنا بنغلط وبنتوه شوية في وسط الزحمة، فيه ناس بتغلط وتكمل في الغلط! وفي ناس بتغلط وبترجع لحكمتها وبتندم وتصحح الخطأ.
