ياسر جلال عن اعتذار أحمد ماهر عبر القاهرة 24: في مقام والدنا.. وحصل خير
أعلن الفنان ياسر جلال، قبول اعتذار الفنان أحمد ماهرعبر القاهرة 24 الذي تم نشره قبل ساعات قليلة، وذلك تزامنًا مع أزمة سب والده واتخاذه ورامز جلال شقيقه الإجراءات القانونية ضده.
وقال ياسر جلال عبر فيديو على صفحته الرسمية بـ فيس بوك: "أستاذ أحمد ماهر بقول لحضرتك شكرًا لاعتذارك، بقول لحضرتك ولا يهمك، وأنت في مقام بابا الله يرحمه، وأنا ورامز بنحبك جدًا حصل خير، عايز أفكر حضرتك بحاجة فاكر لما طلبتك من فترة وقولتلك بطمن عليك، وأنا أبويا وحشني وحبيت أكلمك أشم ريحة أبويا فيك، وهتفضل بالنسبة لنا أب وبنحبك وبنحترمك جدا.
أحمد ماهر يعتذر لـ ياسر ورامز جلال
ومنذ قليل أعلن الفنان أحمد ماهر، اعتذاره للفنانين ياسر ورامز جلال عما بدر منه من إساءة لوالدهما الراحل جلال توفيق، ووصف ذلك إنه كان تحت ضغط عصبي، قائلًا: جه ولد صورني وأنا في ضغط نفسي وعصبي أتمارس عليا، وسألني تقول إيه لرامز بعد حلقتك معاه فقولت ده بشكل عفوي وزلة لسان مش مقصودة.. الولدين دول أنا اللي مربيهم وكلت في بيت أبوهم عيش وملح، بحكم الصداقه اللي بيني وبين أبوهم، زي ما كنت بهزر مع الراجل الجملة طلعت، بكل ما فيا من عشم وصداقه.
