عصام الحضري: هذا ليس الأهلي الذي نعرفه.. وأتمنى عدم إجراء تدوير في مركز حراسة المرمى
تحدث عصام الحضري، مدرب حراس مرمى منتخب مصر السابق، عن أداء الأهلي في الموسم الجاري، ومركز حراسة المرمى الأساسي خلال مباريات الموسم الجاري بعد مباراة سيراميكا كليوباترا في المسابقة المحلية.
عصام الحضري: ده مش الأهلي اللي نعرفه
قال الحضري في تصريحات ببرنامج "ملعب أون" مع الإعلامي سيف زاهر: ده مش الأهلي من أول الموسم.. لا ده مستوى الأهلي ولا شكله، مع كل النجوم والإمكانيات والصفقات دي.
وأضاف: "كلنا أشدنا بأداء شوبير بعد ماتش إسبانيا، وهتكلم بصراحة شوية.. الطبيعي إنك جاي من ماتش بمستوى عالي، فتكمل بنفس الأداء.
وتابع: "شوبير اتعامل مع كرة الهدف بشكل مش موفق، وكنت أتمنى يفضل محافظ على تركيزه، وكان الأفضل يروح بإيده الاتنين عشان يمسك الكرة، لكنه تعامل معاها بقلة تركيز شوية، وهو طبعًا يتحمل جزء من المسؤولية مع الفريق كله".
الحضري: مستوى بسام نازل بعد البطولة العربية
وكمل الحضري كلامه عن محمد بسام حارس سيراميكا كليوباترا:"بسام من بعد البطولة العربية مستواه نازل شوية، لكن في نفس الوقت كان بيتعامل كويس مع الكور اللي جاتله في الماتش، وكان عنده حماس، وقدم مباراة كويسة".
وأضاف:"لما بيتمرن كويس بيظهر ده في مستواه، وهو حارس عايز يثبت نفسه ويعمل حاجة لبلده، وأنا كنت عاتبته بعد البطولة في كذا ماتش، وقلتله لو فضلت بنفس مستوى البطولة العربية، كان زمان سيراميكا في حتة تانية خالص في الدوري".
وأكد:"وكان يستاهل ينضم لمنتخب مصر الفترة اللي فاتت".
الحضري يطالب بثبات حارس الأهلي
واختتم الحضري:"أتمنى من الجهاز الفني إننا نبطل حكاية تدوير حراس المرمى، والأهلي عنده حوالي 5 ماتشات لازم يكون فيهم حارس أساسي ثابت".
وانتهت المباراة بالتعادل الإيجابي 1-1 في المواجهة التي جمعت الأهلي وسيراميكا كليوباترا ضمن منافسات الجولة الأولى من مرحلة التتويج باللقب في الدوري
