ابنة سامح عبد العزيز تحيي ذكرى رحيله الأولى: مفيش كلام يوصف قد إيه أنا موجوعة

أحيّت ابنة المخرج سامح عبد العزيز، ذكرى وفاة والدها الذي رحل عن عالمنا في مثل هذا اليوم العام الماضي 2025، معربة عن اشتياقها الكبير له.

ابنة سامح عبد العزيز تحيي ذكرى وفاته الأولى: مفيش كلام يوصف قد إيه أنا موجوعة 

وكتبت ابنة سامح عبد العزيز، عبر حسابها على إنستجرام: مش قادرة أصدق أن سنة كاملة عدت من غيرك، وحشتني أوي يا بابي، وحشني هزارنا وحشني حضنك وحشني كل حاجة فيك.

وأضافت: مكنتش فاهمة يعني إيه القلب يوجع لحد ما مشيت، مفيش يوم بيعدي من غير ما أفكر فيك أو أدعيلك، دايمًا بفكر لو كنت موجود هتنصحني بإيه، مفيش كلام يوصف قد إيه أنا موجوعة وقد إيه أنت وحشتني، بوعدك أني هفضل أحاول أخليك فخور بيا. 

وفاة سامح عبد العزيز

وكان رحل المخرج  سامح عبد العزيز عن عالمنا، يوم 10 يوليو 2025، تاركًا حالة من الحزن داخل الوسط الفني، بعدما نعاه عدد كبير من الفنانين والمخرجين الذين أشادوا بموهبته وأخلاقه ومسيرته الفنية، مؤكدين أن رحيله يمثل خسارة كبيرة للفن المصري.