سامو زين: أغنية الورد الأحمر تحول في الأغنية الشعبية.. وكانت جرأة كبيرة أني أعمل أغنية زي سيرة الحب
تحدث الفنان سامو زين، عن أغنيته الشهيرة الورد الأحمر، موضحًا أنها كانت تحولا كبيرا في الأغنية الشعبية، بجانب حديثه عن تعاونه مع الملحن محمد يحيى.
وقال سامو زين، في لقائه مع القاهرة 24: اشتغلت مع تامر حسين كتير، وفي أغنية الورد الأحمر كان أول مرة يكتب بالشكل ده وكان تحول في الأغنية الشعبية، وبعد كده انتشر الفكر اللي فيه مصطلحات زي الورد الأحمر، أول ما جيت قلت لـ تامر أنا عايز أغنية يتقال فيها الورد الأحمر عوده مكنش فاهم يعني إيه.
وأضاف سامو زين: عزيز الشافعي ومحمد يحيى إخواتي، ومحمد يحيى اشتغلت معاه كتير وعملنا أغنية زي سيرة الحب وكانت جرأة إني أعمل أغنية زي دي وأجيب موسيقيين من أيام أم كلثوم.
سامو زين: اتاخد مني 20 أغنية
وسبق وكشف الفنان سامو زين، تفاصيل حصول عدد من المطربين بالوسط الفني على أغانيه بعد عمله على الكلمات والألحان، موضحًا أنه أصبح يسجل الأغنية قانونيًا أولًا ومن ثم يبدأ العمل عليها، قائلًا: اتاخد مني 20 أغنية، وأجي أنزل أغنية ألاقيها خالصة تنازل، الدنيا اتغيرت أوي، وبقيت مغلق أكتر على نفسي وبقيت بخاف على اللي بقدمه لأني بقيت بعمل حاجة وألاقيها مع حد تاني، وبشتغل على الأغنية واللحن وأغير جمل وأفكار وبعدين ألاقيها مع حد تاني ويقولوا معلش أصل حصل كذا، فأنا أقول مش نصيبي.
