هند صبري: مكنتش عارفة أتعامل مع بنتي في فترة المراهقة.. واللي بيتربوا على الضرب بينتقموا لما بيكبروا
كشفت الفنانة هند صبري، عن معاناتها في تربية بناتها في فترة المراهقة، موضحة أنها استعانت ببعض كتب التربية لمساعدتها في فهم ابنتيها خلال فترة المراهقة، موضحة أنها قررت تغيير طريقة تربية والدتها لها والتي اعتبرت بعض الأشياء فيها خاطئة.
وقالت هند صبري، في لقائها بـ برنامج بيت مراد: بنتي الكبيرة من سن 13 سنة حسيت إني مش عارفة أتعامل معاها ومحتاجة مساعدة، وكنا بنتخانق على كل حاجة حتى على كلمة صباح الخير، وقالبة وش طول الوقت وبدأت آخد الموضوع شخصي، وبدأت أتعلم من الكٌتب إزاي أتعامل معاها، المراهق ده كائن غريب جدًا بالنسبة لينا، وفهمني كل الحاجات اللي ممكن تكون بتحدث في دماغهم.
وأضافت هند صبري: لما اتربيت بالصوت العالي كنت بخاف ولما كانت والدتي بتزعق لي وهي بتذاكرلي كنت بخاف وبفقد القدرة على مسك القلم، فلما صوتي بيعلى على بناتي بعتذر ليهم لأن إحنا معندناش ثقافة الاعتذار للأطفال وبنشوف أن عادي نعنفه لأنه كان أضعف مننا، وعلشان كده اللي بيتربوا كده بينتقموا بعد كده وهما اللي بيضربوا.
أعمال هند صبري
وعلى جانب آخر، شاركت هند صبري في رمضان الماضي من خلال مسلسل مناعة، تأليف عمرو الدالي وإخراج حسين المنباوي ودارت الأحداث حول في منتصف الثمانينيات، تجد غرام نفسها وحيدة مع ثلاثة أطفال بعد مقتل زوجها الذي كان يعمل في تجارة المخدرات، فتوافق سرًا على زرع المخدرات داخل المقابر. ما يبدأ كمحاولة للبقاء يتحول إلى صعود خطير في عالم المخدرات، إلى أن تصبح «ست الحُسن» وقائدة شبكة إجرامية قوية. لكن مع تحرّك السلطات، ينهار نفوذ غرام وتُجبر على مواجهة العدالة وعواقب اختياراتها.
