هيثم عرابي: أدعم الخطيب والأهلي يحتاج لتكاتف الجميع.. ويوجه رسالة لجماهير القلعة الحمراء
أعلن هيثم عرابي مدير إدارة التعاقدات السابق بالأهلي، دعمه لمحمود الخطيب رئيس مجلس إدارة القلعة الحمراء بعد تعرضه لحملة هجوم في الاونة الأخيرة ، عقب رحيل رمضان صبحي لاعب الفريق إلى بيراميدز.
وكتب عرابي على صفحته الشخصية على موقع التواصل الاجتماعي “فيس بوك”: “عارف إن التوقيت حساس اني اكتب أي حاجة علشان ممكن يتفهم غلط بس اسمحولي اتكلم ك مشجع اهلوي ..بعد قرائه المشهد على مدار اليومين اللي فاتوا ومعرفة بعض الكواليس”.
وأضاف: “مبدئيًا كل الدعم للكابتن الخطيب ولإدارة التعاقدات ومينفعش حد يزايد عليهم، دلوقتي النادي محتاج وقفه الكل، أصعب حاجة ان تيجي عليك لحظة ومتعرفش الضربة من جوه ولا من برة، عندنا بطولة إفريقيا هما 3 ماتشات إن شاء الله يخلصوا وبعدها حاسب وانتقد زي ما انت عايز، متساعدوش الناس أنهم يهدموا في النادي، النادي والناس اللي شغالين محتاجين دعمك لأن اللي بيحصل كتير”.
الأهلي يعلق على تبديل صورة رمضان صبحي بطاهر محمد طاهر داخل الاستاد الجديد
وتابع: “وصدقوني لو انت شايف أخطاء هما كمان شايفنها وبيجي وقت حساب للموسم كله، أنا مش بزايد ولا بحجر على رأي حد، هو خوف وحب على النادي مش أكتر”.
واختتم: “كلمة أخيرة الكورة في مصر اتغيرت وبقت للأسوأ والمادة طلعت أوحش ما في الناس واللي بيفرق مع الأهلي عن أى منظومة ثانيه الجمهور وهو القوة والسند الحقيقي، إوعى ده كمان يروح زي ما راح عند البعض وهان النادي عليهم”.
بعد تصريحاته المثيرة للجدل.. إكرامي الكبير في مهب الريح داخل الأهلي
