محمد حلمي: طلبت رحيل كهربا عن الزمالك بعد خناقته مع أحد أفراد الجهاز
أكد محمد حلمي مدرب الزمالك السابق، أنه طلب رحيل اللاعب محمود عبد المنعم كهربا عن الزمالك في وقت سابق، عندما كان يتولى تدريب الفريق الأبيض.
محمد حلمي: طلبت رحيل كهربا عن الزمالك
وقال محمد حلمي، في تصريحات تليفزيونية: طلبت رحيل كهربا عن الزمالك، لأنه كان في ماتش في السويس واتخانق مع أحد أفراد الجهاز الفني وطلبت رحيله.
وأضاف: أنا كنت أكثر من ساند شيكابالا في الزمالك، والإدارة بالفعل سبب خلافي مع بشير التابعي.
محمد حلمي: شعور عبد الله السعيد بالإهانة وراء رفضه الزمالك
وفجر محمد حلمي مفاجأة، قائلا: جبت عبد الله السعيد للزمالك في 2008، وكان لسة صغير ملعبش كتير، وقالولي مين عبد الله السعيد؟ قولتلهم ده رواية تانية وعايز اللاعب ده، واتكلموا معاه، وطلب 600 ألف جنيه، قالوا هنبقى نتصل بيك، لعب ماتشين مع الإسماعيلي وتألق قالهم أنا عايز مليون ونص وتعالولي الإسماعيلية.
وأردف: عبد الله السعيد عنده عزة نفس وكان حاسس بالإهانة من الموقف اللي حصل وعشان كدة راح الأهلي بقيمة مالية أقل.
محمد حلمي: اللاعيبة تايهة من أوسوريو
وقال حلمي: أوسوريو عايز ينفذ اللي في دماغه في وقت ضيق لكن لاعيبة مصر عموما بتحتاج وقت عشان تفهم ولما بتاخد جمل مركبة بيكونوا تايهين.
واختتم: تم الاستعجال في الدفع بالصفقات الجديدة واتحرقت للجمهور، وكان لازم يبقى في دراسة بشكل جيد للصفقات.
