فتاة تشكو من سائق أوبر بعد كسره نظارتها ورفض تعويضها: هرب بعد ما قال هيبعت الفلوس
عبرت فتاة عن استيائها الشديد من أحد سائقي خدمة أوبر، بعدما كسر نظارتها خلال رحلة توصيل ورفض تعويضها أو التواصل معها لاحقًا، بحسب ما نشرته عبر حسابها على موقع فيسبوك.
فتاة تشكو من سائق أوبر بعد كسره نظارتها ورفض تعويضها
وقالت الفتاة عبر حسابها على موقع التواصل الاجتماعي فيسبوك: حصل معايا مشكلة مع أوبر سكوتر يوم السبت بتاريخ 21/6، بعته يستلم نظارة من مصر الجديدة من محل الساعة 8 ونصف بالليل، وبعد ما استلم النظارة وبدأ الرحلة بعشر دقائق بعتلي من خلال أبليكشن أوبر أنه عمل حادثة وكلمني قالي إنه عمل حادثة ووقف الرحلة وخصموا مني فلوس الرحلة وكمان النظارة اتكسرت ولما طلبت منه إنه يصورلي النظارة علشان أعرف هتتصلح ولا لأ.
وتابعت: سألني على ثمن النظارة وبلغته إنها بـ2100 جنيه قالي إنه هيقفل معايا المكالمة علشان يبعتلي الفلوس على إنستاباي في خلال ساعة بالكتير ومن بعدها مش عارفه أتواصل معاه لأن التواصل من خلال الشركة بس، ومن وقتها بببعت رسايل لدعم أوبر حتى علشان أعرف أتواصل مع رقم السائق مافيش رد.
واستكملت: لحد امبارح جت مكالمة الساعة 10 ونص ليلا من أوبر علشان لسه يفهم الموضوع وقالي في المكالمة أنه لن يتم التعويض عن سعر النظارة ومش هينفع أتواصل مع السائق إلا لما يستأذنوه ولسه هيرد خلال يومين هينفع يديني رقم السائق ولا لأ، وهيرجع لي الفلوس اللي اتخصمت للرحلة ولا لا، إيه الاجراء القانوني اللي المفروض أخده علشان أجيب حقي.
واختتمت: المشكلة دي لسه متكررة تاني النهاردة مع صاحب محل النظارات برضه مع أوبر سكوتر استلم نظارات بـ 9000 جنيه والرحلة بقالها 3 ساعات وموصلش للعميل ولا بيرد على صاحب المحل.
