قبل جلسة محاكمته.. الاعترافات الكاملة للمتهم بقتل صديقه وطهي أجزاء من جسده في جريمة المنشار بالإسماعيلية
تنظر محكمة جنايات الطفل بمحافظة الإسماعيلية، بعد قليل ثاني جلسات محاكمة الطفل ي. أ المتهم بقتل زميله داخل شقة سكنية وقطع جثمانه باستخدام منشار كهربائي، في الجريمة المعروفة إعلاميًا بـ قضية المنشار، إذ كشفت التحقيقات في القضية تفاصيل اعترافات المتهم بارتكاب الواقعة.
الاعترافات الكاملة للمتهم بقتل صديقه وطهي أجزاء من جسده في جريمة المنشار بالإسماعيلية
وقال الطفل المتهم في التحقيقات: أنا طالب بالصف الثاني الإعدادي، وبقالي سنة عايد في نفس السنة، وعايش مع والدي وأخواتي، والمجني عليه كان زميلي في أولى إعدادي، ومعرفتنا كانت عادية جوه المدرسة، وكان ساكن قريب من المدرسة، وكنا بنرجع سوا في مواصلة واحدة.
كما جاءت باقي أقوال المتهم أمام جهات التحقيقات، كالآتي:
س: صف لنا كيفية تعديك على المجني عليه؟
أجاب: هو زي ما قولت لما مسكنا في بعض وهو طلع عليا الكتر وأنا حاولت أمسكه منه لحد لما طلعنا بره الأوضة أنا كعبلته وقع على ظهره في الصالة بالقرب من باب الشقة، فروحت قاعد على صدره أحاول أخد الكتر منه، لكن عورني بيه في إيدي اليمين، وأنا أصلا آخر تعويرة دي عصبتني لأنها جابت دم كتير وكانت في بطن إيدي.
وأكمل المتهم خلال أقواله أمام جهات التحقيقات: ولقيت الشاكوش على الترابيزة اللي جنب الثلاجة اللي جنب الباب بتاع الشقة فروحت شايل الشاكوش وأنا قاعد على صدر محمد وروحت ضربته بيه بكل عزم وقوة في رقبته من ناحية الشمال، من قدام وبعد الضربة دي لقيت محمد مبقاش عارف يتنفس وبدأت تجيله حالة تشنجات وهو على الأرض، فقمت من فوقه وسيته قولت يمكن يفوق فروحت حاولت أعمله إنعاش للقلب وأدوس بإيدي على صدره وأنفخ في بؤه لكن حسيت إن مفيش فايدة.
وأضاف: فقولت لو اتصلت بالإسعاف هروح في داهية فجاتلي فكرة أني أقطعه لأجزاء وأرمي كل جزء في حتة عشان أخفي الجريمة، زي ما شوفت في المسلسل الأجنبي اللي كنت بتفرج عليه، وسحبت محمد للحمام وكان ساعتها لسه فيه الروح وبيشخر بصوت عالي فروحت جيبت سكينة المطبخ الكبيرة وروحت ماسكها بإيدي الاتنين ورحت نازل بيها على دماغه وبعد الضربة دي قطع النفس خالص وبطل يشخر.
وأضاف: وساعتها أنا سيبته ونزلت اشتريت المشمع البلاستيك عشان أفرشه تحته عشان الدم لما أقطعه ميبهدلش الدنيا ورجعت فرشته تحته بس منفعش فجيبت بطانية من أوضتي وحطيتها تحته وجيبت الصاروخ بتاع شغل النجارة بتاع أبويا من الكمودينو بأوضة نومه وقطعت محمد لست أجزاء زي ما قولت.
س: وما هي الأدوات المستخدمة منك في ارتكاب الواقعة؟
ج: أنا استخدمت شاكوش وصاروخ كهربائي بيقطع الخشب وأكياس مشمع بلاستيكي وبطانية وسكينة كبيرة وسكينة صغيرة وأكياس سوداء كبيرة بتاعة الزبالة وبكر لاصق شفاف وبطانية الشنطة بتاعتي السوداء بتاعة المدرسة وشنطة محمد بتاعة المدرسة.
س: ومن أين حصلت على تلك الأدوات والأسلحة تحديدا؟
ج: شاكوش وصاروخ كهربائي بيقطع الخشب وبطانية وسكينة كبيرة وسكينة صغيرة وبكر لاصق شفاف وبطانية الشنطة بتاعتي السودا بتاعة المدرسة وشنطة محمد بتاعة المدرسة دول كانوا في البيت وأنا نزلت اشتريت المشمع.
س: ما الأفعال التي قامت بها حال سيرك والمجني عليه وصولا لمسكنك؟
ج: أنا وقفت اشتريت أكياس سوداء بلاستيكية سوداء قبل ما أطلع البيت.
كما جاءت باقي أقوال المتهم أمام جهات التحقيقات، كالآتي:
س: هل كان برفقتك المجني عليه حال شرائك الأكياس؟
ج: أيوه كان معايا.
س: وما سبب شرائك الأكياس البلاستيكية قبل دلوفك لمسكنك وبرفقتك المجني عليه آنذاك؟
ج: هو أنا كنت جايب أكياس زبالة للبيت أبويا كان قالي تبقى تشتريها.
س: وما هي الأفعال التي بدرت من كل منكما تجاه الآخر حال دلوفكما لمسكنك آنذاك؟
ج: دخلنا الأوضة وقعدت فتحت تليفوني على تطبيق إنستجرام نتفرج على فيديوهات وصور.
س: ومن كان يوجد بمسكنك آنذاك؟
ج: إخواتي الاثنين رقية وعمر.
س: هل كنت على علم بوجودها بمسكنكم آنذاك؟
ج: أيوة.
س: أين كان والدك آنذاك؟
ج: هو كان في ورشته بتاعة النجارة.
س: وأين يبعد ورشة النجارة خاصة والدك عن المسكن محل الواقعة؟
ج: هو أنا معرفش المنطقة أسمها أي بس الورشة هنا في الإسماعيلية.
س: هل من ثمة حوار دار فيما بينك وبين المجني عليه حال دلوفكما للمسكن خاصتك؟
ج: قعدنا في الأوضة بتاعتي وفتحت التليفون واتفرجنا على الانستجرام فحصلت بينا مشادة في الكلام.
س: ما سبب اصطحابك للمجني عليه لمسكنك آنذاك؟
ج: هو أحنا ماشين الميكروباص قال إنه معهوش فلوس ونزلنا عند مطعم الاسطول عشان أروح وهو يكمل على بيته المواصلة ثانية لكن فوجئت بيقولي انه هيتمشى معايا لحد بيتي وطلب مني فلوس 10 جنيه سلف فقولته تعالى معايا البيت أشوفلك.
س: هل كان بحوزتك ثمة مبالغ مالية آنذاك؟
ج: أيوه أنا كان معايا ساعتها 90 جنيها.
س: لماذا إذا قررت للمجني عليه انك سوف تقوم بإحضار ذلك المبلغ من مسكنك رغم تواجد مبالغ مالية حوزتك؟
ج: معرفش هي جت معايا كده.
س: من فيكم صاحب فكرة التوجه لمنزلك؟
ج: هو أنا في الأول اللي قولتله لما طلب مني فلوس سلف ولما قربنا من البيت لقيته هو مصمم وعايز يطلع معايا الشقة.
