اعترافات المتهم بقتل والدة المسن بالطالبية: مش أول مرة أضربه.. وسرق قصصي وباعها| تحقيقات
يواصل القاهرة 24 نشر نص تحقيقات جهات التحقيق في القضية التي حملت رقم 829 لسنة 2025 لواقعة مقتل مسن على يد نجله داخل مسكنهما بالطالبية، بعد أن انهال عليه بالضرب حتى فارق الحياة.
اعترافات المتهم بقتل والدة المسن بالطالبية
وأمام جهات التحقيقات وقف المتهم يروي تفاصيل اعتداءه على والده، مبررًا ذلك بسرقة أفكاره قائلًا: أنا عندي 4 إخوة أشقاء من الأب والأم، أسماؤهم سيف، عادل، محمد، وجهاد، وأنا أصغر واحد فيهم، وسيف وعادل دول متوفين، ومن أبي كمان 3 إخوة هم يحيى وسعيد وفتحي، والخلافات بيني وبين أبي كانت من حوالي 5 أو 6 سنين، عشان هو كان بيسجل لي في البيت، وآخر حاجة كان واحد مني أغنية أحمد شيبة يعلم ربنا.
وأضاف المتهم بقتل والده المسن أمام جهات التحقيق: فيه قصص تاني كنت كاتبها وهو سارقها مني زي قصة سيدنا نوح والسندباد وطرزان، ومرة راح عمل فيا محضر، وأنا أصلا مرضيتش أروح أعمل زيه واشتكيه، يقوم هو يروح ويقولهم.
وأشار المتهم أمام جهات التحقيق: علاقتي بإخواتي كويسة ومفيش أي خلافات بينا، وأنا ضربت أبويا بالضرب من حوالي سنتين، وكنت بعمل كده عشان يديني حقه، وفيه حاجات زي هاري بوتر، البحار موندي، السيرة الإلهية، التتار، جانكيز خان وسيبدمان، ودي أفكاري وهو سرقها، وأنا أصلا كل شوية افتكر وأنسى.
وأكمل المتهم: في يوم 1 فبراير 2025، ضربت أبويا بأيدي، عشان الحوارات اللي فيها ناس بتسجل لي، وفيه حوارات قديمة وجديدة، واللعب بمشاعري، وهو مش عايز يعترف بالكلام ده والحاجات اللي كاتبها واتسرقت مني، وكنت مثبته بإيدي وبضربه باليد التانية بالقلمين والأقلام، وضربته حوالي 3 أو 4 ضربات على وشه، والمدة كانت حوالي 3 أو 4 دقائق.
وتابع المتهم أمام جهات التحقيق: هو حاول يدافع عن نفسه وكان بيزقني في إيدي، لكنه كان قاعد على السرير في الصالة وأنا فوقه ومثبتة بيدي الشمال وبضربه باليمين، وده ضرب بسيط، ومش قصدي أقتله، وأنا مش مريض نفسي أو عقلي، وآخر مرة شربت فيها خمرة كانت من شهرين أو 3، والحشيش بردو، بس أنا عن نفسي مش بحبهم.
وأكمل المتهم: أنا عندي سوابق، كلها واخد فيها براءات، وكانت عندي قضايا سلاح أبيض أو مخدرات، وعددهم تقريبًا 5، وفيه واحدة كان محكوم عليا فيها بـ25 سنة بس خدت براءة فيها بعد كده.
وأصدرت محكمة جنايات الطالبية حكم أول درجة في القضية بالإعدام للمتهم أ.إ.م.س بعد إدانته بقتل والده المسن إ.م.س، استنادًا إلى اعترافاته أمام جهات التحقيق والتحقيقات التي أثبتت تعديه عليه بالضرب، مما أدى إلى وفاته وسلامة قواه العقلية.
