شتمني وضربني عشان بصوره.. أقوال المجني عليه الثاني في واقعة التعدي على فرد أمن داخل كمبوند شهير بالتجمع
استكملت جهات التحقيق سماع أقوال الشهود والمجني عليهم في واقعة التعدي على فرد أمن داخل كمبوند شهير بالتجمع الخامس، حيث أدلى المجني عليه الثاني بأقواله تفصيلًا.
أقوال المجني عليه الثاني في واقعة التعدي على فرد أمن داخل كمبوند شهير بالتجمع
ويواصل القاهرة 24 نشر التحقيقات في القضية، وكشفت التحقيقات تفاصيل أقوال المجني عليه الثاني أمام جهات التحقيق في واقعة التعدي على فرد أمن داخل كمبوند شهير بالتجمع، والذي قال: اسمي مجدي اللي حصل إن يوم 19-2-2026 بعد صلاة الضهر مباشرة كنت في البيت، سمعت استغاثة من مراتي وبنتي بيقولولي عم علي فرد الأمن بينضرب، الحق يا مجدي شوف ايه الموضوع، نزلت بسرعة لقيت م. ف جاري بيتعدى على فرد الأمن عم علي بالضرب والشتيمة والسب وألفاظ واضحة في الفيديوهات.
وأضاف المجني عليه الثاني في واقعة التعدي على فرد أمن داخل كمبوند شهير بالتجمع: حاولت أتدخل عشان أفض ما بينهم، لقيت م. ف شتمني في الكمبوند بشتايم مش كويسه، قلتله عيب كده وميصحش، لقيته بيشتمني طلعتله الموبايل وبدأت أصور.
وتابع: قالي ميعادنا في النيابة، قلتله ميعادنا في النيابة، وشتمني وقالي معادنا في المحكمة وبدأ يزقني ويضربني في صدري عشان مصورش اللي حصل، وكان بيشتم مراتي وبناتي.
وتابع: استمريت معاه هو يشتم وأنا أصوره لحد ما مدير الأمن وصل ومدير الكمبوند وبعض أفراد الأمن والمشرفين، وبرضه شتمهم، وفي الآخر طلبوا النجدة، وفي الأثناء دي نزلوا الجيران كلهم وطلبت منهم يشهدوا على الواقعة، وعملنا محضر باللي حصل، وجينا النيابة عشان نشهد باللي حصل معانا.
