خروج اليوتيوبر خالد جاد من المستشفى بعد إصابته بجلطة: تجربة صعبة وقاسية في الغربة
أعلن اليوتيوبر خالد جاد، خروجه من المستشفى في ألمانيا، بعد تطور حالته الصحية وشفائه، حيث كان قد أصيب مؤخرًا بجلطة في ذراعه اليمنى.
وكتب جاد منذ قليل على صفحته الشخصية بـ”فيس بوك”: “الحمد لله الذي أذهب البأس وألبسني ثوب العافية، الحمدلله أنا حاليًا واقف علي رجلي وبرا المستشفى ووضعي الصحي أفضل وبخير الحمد لله.. تجربة صعبة وقاسية في الغربة لكن اتفاجئت بجدعنه ولاد بلدنا المصريين المقيمين هنا ومحاولاتهم للتواجد والااتصال والسؤال والزيارة”.
وتابع: “فيه ناس كتير جت من أماكن بعيدة جدًا فكتر الف خيركم على الدعم النفسي اللي قدمتوه واهتمامكم لواحدة جميل كبير على راسي مستحيل يتنسي. لكن للأسف حصل ضغط كبير على المستشفى فاتمنعت الزيارات والاتصالات واضطريت أدخل مستشفي تانيه علشان الضغط اللي حصل، المهم أنا الحمد لله بألف صحة وخير فاللهم لك الحمد حمدًا لا ينفد أوله ولا ينقطع آخره اللهم لك الحمد فأنت أهل أن تحمد وتعبد وتشكر”.
وفي وقت سابق، أكد جاد في فيديو على صحفته الرسمية بـ”فيس بوك”، أنه لم يطالب بأي مساعدات مادية، فقال: “أولًا أنا حابب أشكر كل الناس اللي حاولت تيجي واللي جت ومشيت، واللي حاولت تتصل في ضغط كبير جدًا على المستشفى في الاتصالات، أنا بقيت كويس أنا بخير مفيش أي حاجه بالعكس ممكن أخرج قريب جدًا”.
وتابع: “أتمنى من كل الناس أنها تهدي الأمور، مافيش أي شئ حاليًا، في ناس بتعمل حاجات وبتجمع فلوس وبتعمل وبتسوي، كل ده مش حقيقي، أنا بخلي مسؤليتي، أنا مش محتاج أي حاجه، بالعكس المستشفى تمام، ومتاخدوش كلام من أي حد، وبشكر كل الناس اللي أهتمت ومهتمة، ياريت الناس تطمن وياريت تخفوا الضغط على المستشفى، الحمدلله الأمور عدت سليمة”.
اليوتيوبر خالد جاد ينفي مطالبته بالتبرعات بعد إصابته بجلطة في ألمانيا (فيديو)
